کوشیان و زەخمداری وە رووداویگ لە دیالە و دراوردن تەرم ژنیگ لە دەریاچەی رەزازە
2021-11-13T11:05:29+00:00
شەفەق نیوز/ سەرچەوەیگ ئەمنی لە دیالە، ئمڕوو شەممە، خەوەردا لە کوشیان مەدەنییگ و زەخمداری یەکیگ تر وە رووداویگ هاتوچوو لەبان ری بەغداد- کەرکوک لە دەورگرد قەزای خاڵس.
سەرچەوەگە ئەرا ئاژانس شەفەق نیوز وت: ماشینیگ مارکەی GMC لەبان ری هەولێر- بەغداد کار کەێد لەبان ری بەغداد- کەرکوک لە دەورگرد قەزای خاڵس قەڵبەو بۊی.
وتیش: رووداوەگە بۊیە هووکار کوشیان کەسیگ و زەخمداری سێ کەس تر، و دیاری کرد ک زەخمدارەێلە هانە خەسەخانەی خاڵس و خەسەخانەی بەعقوبە.
لەلاییگ تر، مەفرەزەیل بەش پۆلیس ئاوی لە وەڕێوەرایەتی پۆلیس کەربەلا، تەرم ژنیگ دراوردن، دۊیای ئەوە ک لە نزیک ناوچەی مەسەژ لە دەریاچەی رەزازە خنکیا.
