کوشیان و زەخمداری هەفت کەس وە مەرافیگ هووزانە لە بەغدا
![کوشیان و زەخمداری هەفت کەس وە مەرافیگ هووزانە لە بەغدا](https://media.shafaq.com/media/arcella/1667824872237.jpg)
شەفەق نیوز/ سەرچەوەیگ ئەمنی لە بەغدا، ئمڕوو دووشەممە، خەوەردا لە کوشیان و زەخمداری هەفت کەس وەهووکار مەرافەیگ هووزانە لە قەزای تاجی لە باکوور پایتەخت.
سەرچەوەگە وە ئاژانس شەفەق نیوز وت" مەرافەیگ هوزانە لە ناوچەی "زەباعی 12" لە قەزای تاجی باکوور بەغدا دروسبویە، چەک سووک و ناوڕاس وەکار هاوردنە لە ئەنجام بویە هوکار کوشیان کەسیگ و زەخمداری شەش کەس".
سەرچەوەگە وت" هێزەیل ئەمنی چگنە ئەرا شوین رویداوەگە تەرم کوشیاگە ئەرا پزشک دادوەری کلکردنە و زەخمدارەیلەش وە مەبەست چارەسەرکردنیان ئەرا خەسخانە کلکریانە و لێکۆڵینەوە لە رویداوەگە وازکریەێد.