کوشیان و زەخمداری ٧ مەدەنی وە رویداویگ هاتوچو دڵەتەزن لە دیالە
2022-09-13T12:35:41+00:00
شەفەق نیوز/ سەرچەوەیگ ئەمنی لە دیالە، ئمڕوو سێشەممە، خەوەردا لە کوشیان و زەخمداری ٧ مەدەنی وە رویداویگ هاتوچو لە خوەرهەڵات پارێزگاگە.
سەرچەوەگە ئەرا ئاژانس شەفەق نیوز وت: دوو مەدەنی گیانیان لەدەسدان و ٥ کەسیش زەخمدار بوین ک فرەیان لە یەک بنەماڵە بوین، ئەوەیش وە رویداو لەیەکدان دوو ماشین لەبان ری کەنعان-بەلەدروز.
سەرچەوەگە وتیش" زەخمدارەیل ئەرا خەسخانە بریان، و تەرم قوربانیەیل ئەرا پزشک دادوەری لە بەعقوبە، و دەسەڵاتەیل هاتوچو لێکۆڵینەوە لە رویداوەگە واز کردن.
