کوشیان و زەخمداری لەناو تەقەکردن لە میسان
2022-08-19T07:34:56+00:00
شەفەق نیوز/ سەرچەوەیگ ئەمنی لە پارێزگای میسان، ئمڕوو جومعە، خەوەردا لە کوشیان و زەخمداری دوو کەس وە مەرافیگ چەکداری لە یەکیگ لە ناحیەیل پارێزگاگە.
سەرچەوەگە وە ئاژانس شەفەق نیوز خەوەردا، " چەکداریگ تەقە لە دوو کەس کردیە لە هۆر جەفر لە ناوچەی خەمس لە ناحیەی سەلام خوەرئاوای میسان پەلامارەگە بویە هوکار کوشیان کەسیگ و زەخمداری یەکیگتر.
وتیش" تاوانبارەگە ئەرا شوین نادیاریگ وایە، هێزەیل ئەمنی دەسکردنەس وە مینەکردن ئەرا گردنی".
