کوشیان و زەخمداری لە مرافەیگ هووزانە لە میسان
2022-06-22T08:36:56+00:00
شەفەق نیوز/ سەرچەوەیگ ئەمنی لە پارێزگای میسان باشوور عراق، ئمڕوو چوارشەممە، خەوەردا لە کوشیان و زەخمداری ٩ کەس لەناو مرافەیگ هووزانە لە ناوچەیگ لە پارێزگاگە.
سەرچەوەگە ئەرا ئاژانس شەفەق نیوز وت: مرافەی سەختیگ لەنزیک چەم عز لە ناحیەی عەزیز لە میسان قومیا، جویراجویر چەکەیل لەناوی وەکار هاوریا، تا رەسیە کوشیان ٥ کەس، و ٤ زەخمدار.
سەرچەوەگە دیاری کرد ک مرافەگە لەوەر گرفتیگ وەرین لەناوبەین دوو لایەنەگە بویەو.
