کوشیان و زەخمداری ١٣ کەس وە دوو رویداو هاتوچو لە کەرکوک

شەفەق نیوز/ سەرچەوەیگ ئەمنی لە کەرکوک، ئمڕوو پەنجشەممە، خەوەردا لە کوشیان ٧ کەس و زەخمداری ٦ کەستر وە دوو رویداو جیاجیا لە کەرکوک.

سەرچەوەگە ئەرا ئاژانس شەفەق نیوز وت: ٥ مەدەنی گیانیان لەدەسدان و یەکیگ زەخمدار بوی لە رویداویگ هاتوچو ناوبەین ٣ ماشین و سزیان دوو ماشین لەبان ری کەرکوک- دووزخورماتوو لە ناوچەی بیکنداو.

لە رویداویگتر، سەرچەوەگە وتی: دوو مەدەنی گیانیان لەدەسدان و ٥ کەسیش زەخمدار بوین، لە رویداویگ هاتوچو ناوبەین دوو ماشین لە دەورگرد قەزای حەویجە.

وتیش: تەرم قوربانیەیل ئەرا پزشک دادوەری کلکریا، و زەخمدارە ئەرا خەسخانە، و دەسەڵاتەیل هاتوچو لێکۆڵینەوە لە رویداوەگە واز کردن.