کوشیان و زەخمداری ٥ کەس وە دوو رویداو جیاجیا لە نەینەوا و هەولێر
2022-09-21T08:29:00+00:00
شەفەق نیوز/ سەرچەوەیگ ئەمنی لە نەینەوا، ئمڕوو چوارشەممە، خەوەردا لە کوشیان دوو کەس وە رویداویگ هاتوچو لە پارێزگاگە، و سێ کەسیش وە رویداوەیگتر لە هەولێر زەخمدار بوین.
سەرچەوەگە ئەرا ئاژانس شەفەق نیوز وت: دوو کەس لەناو ماشینیگ پیکاب گیانیان لەدەسدانە لەوەر پلیان ماشینیان نزیک پیەڵ سابونیە لەبان ری مووسڵ-تەلەعفەر.
وتیش: هیزیگ ئەمنی روی وەرەو شوین رویداوەگە کرد، و دوو تەرمەگە رەسانە پزشک دادوەری، و لێکۆڵینەوە لە رویداوەگە واز کرد.
هەرلیوا، فازڵ حاجی قسەکەر وەڕێەوبەرایەتی هاتوچو هەولێر لە بەیاننامەیگ رەسیە ئاژانس شەفەق نیوز وت، رویداویگ هاتوچو کە ساعەت نۆ و نیم شەوەکی لەبان ری ١٢٠ سەرەکی بوی، هەنای ماشینەگە لەدەس رانندە دەرچگ، و داگە دارەیل کنار جادەگە.
دیاری کرد ک رویداوەگە بویە هووکار زەخمداری سێ کەس وە زەخمەیل سەختیگ، ک بریانە خەسخانە.
