کوشیان و زەخمداری ١٧ کەس وە دوو رویداو جیاجیا لە دوو پارێزگای عراق

شەفەق نیوز/ وەڕێەوبەرایەتی هاتوچو گشتی، ئمڕوو شەممە، خەوەردا لە کوشیان و زەخمداری ١٧ کەس وە دوو رویداو هاتوچو لە پارێزگایل بەسەرە و سەڵاحەدین.

وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت: رویداویگ لەیەکداین لە ناوچەی هارسە لە پارێزگای بەسرە کەفتە ناوبەین دوو ماشین یەکەمیان مارکەی تويوتا پیکاب وئەوەکە کەیای بارهەڵگر، لەوەر تونی فرەی یەکەم ماشینەگە ک چەپ وڕاس کردیە ولە جادەگە لادایە وکەفتیەسە کنار ریەگە ئیجا داگەسە ئەو ماشینەگە ک لە کنار ریەگە وسیاگە.

دیاری کرد ک رویداوەگە بویە هوکار زەخمداری ١٢ کەس ومردن دوو کەس.

وەڕێەوبەرایەتیەگە وتیش: دوو ماشین لە پارێزگای سەڵاحەدین لەوەر تونی رانین و رۆنگساید دان لەیەک، وبویە هوکار زەخمداری سێ کەس.