کوشیان و زەخمداری ٤ کەس لە ئەنجام رمیان کارخانەی خشت لە میسان

شەفەق نیوز/ سەرچەوەیگ لە پارێزگای میسان باشوور عراق، ئمڕوو سێشەممە، خەوەردا لە کوشیان و زەخمداری چوار کەس لە ئەنجام رمیان کارخانەی خشت باشوور ناوەند پارێزگاگە.

سەرچەوەگە ئەرا ئاژانس شەفەق نیوز وت: یەک کەس گیانی لەدەسدا و سێ کەسیش زەخمدار بوین، دویای رمیان کارخانەی خشت لە قەزای قەلعەت ساڵح باشوور شار میسان.

سەرچەوەگە دیاری کرد کە تیمەیل وەرگری شارستانی و دەزگایل ئەمنی رەسینە شوین رویداوەگە، و تەرمەگە ئەرا پزشک دادوەری بردن، و زەخمدارەیل ئەرا نزیکترین خەسەخانە.