کوشیان و زەخمداری زیاتر لە 50 کەس وە رویداویگ هاتوچو دڵتەزن لە باشوور عراق

شەفەق نیوز/ سەرچەوەیگ پزشکی وەرپرس لە پارێزگای دیوانیە، ئمڕوو جمعە، خەوەردا لە کوشیان و زەخمداری 53 کەس وە رویداویگ هاتوچو دڵتەزن لەبان ری پارێزگاگە و پارێزگای نەجەف.

سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری گشتی وەگەرد پارێزگای نەجەف لە وە مدوو لادان وەختانە لەبان ریەگە، کە وەناکاوەو کەفتە نوای رانندەی پاسەگە، و داد لە 3 ماشین بویچگ و کەفتە ناو جوو ئاویگ نزیک جادەی گشتی.

سەرچەوەگە دیاری کرد کە رویداوەگە بویە هوکار کوشیان 7 کەس و زەخمداری 46 کەس ترەک، دووانیان زەخمییان فرە سەختە، وتیش: ماشینەیل فریاکەفتن ز دەزگایل پزشکی و ئەمنی لە دیوانیە کەفتنە ئامادەباشی ئەرا رزگارکردن زەخمدارەیل.