کوشیان وەرپرسیگ وەرین وە رویداو هاتوچو لە سەڵاحەدین

شەفەق نیوز/ سەرچەوەیگ ئەمنی لە سەڵاحەدین، ئمڕوو یەکشەممە، خەوەردا لە کوشیان وەرپرسیگ ناوخوەیی وەرین وەرویداو هاتوچو لە باشوور خوەرهەڵات تکریت.

سەرچەوەگە ئەرا ئاژانس شەفەق نیوز وت: خەڵەف تورکی جبووری قایمقام وەرین زەوییەی باشوور سەڵاحەدین، وە رویداویگ هاتوچو نزیک قەزای سامەرا ناوچەی دەواجن مەوقەی رویکردنی وەرەو شار تکریت گیانی لەدەسدا.

وتیش: هیزەیل ئەمنی تورمەگە ئەرا پزشک دادوەری بردن، و لێکۆڵینەوە لە رویداوەگە واز کردن.

خەڵەف تورکی تا ساڵ ٢٠٢٠ قایمقام بوی، ئیجا دویای رەسینی ئەرا تەمەن یاسایایی خانەنشین کریا.