کوشیان گەنجیگ وە (لویلەی ئاسن) لە بەغداد
شەفەق نیوز/ وەزارەت ناوخۆی عراق، ئمڕوو یەکشەممە، ئاشکرای تیژبوینەیل تاوان کوشتن گەنجیگ وە لویلەی ئاسن کرد لە نزیک پیەڵ سنەک ناوڕاس بەغداد پایتەخت.
وەزارەتەگە لە بەیاننامەیگ رەسیە ئاژانس شەفەق نیوز وت: مەفرەزەیل دژە تاوان بەغداد توەنستن ئاشکرای چەوچەی تاوان کوشتن نادیاریگ بکەن، کە گەنجیگ لەلی بویە قوربانی، و تەرمەگەی لەناو چەم دیجلە نزیک پیەڵ سنەک پەیا کریا، و ناسنامەی بکوشەگە نەزانستن. بەیاننامەگە وتیش: تیمیگ ئەرا وەشوینکەفتن و مینەکردن دروس کریا، و دەسکردە گردەوکردن زانیاری و شیەوکردن بەڵگەیل، تا تاوانیارەیل پەیا کرد، و ئەوانیش ئاشکرای تاوان خوەیان کردنر کە بویەسە وەردەوەردە وەرد قوربانیەگە، و وەلویلەی ئاسنین پەلاماری دانە، و هەنای گەنجەگە مردگە، خوەیان لە تەرمەگەی قورتار کردنە، و فڕەی دانەسە ناو چەم دیجلە تا تاوانەگە گوما بکەن. وتیش: دادوەر لێکۆڵینەوە بڕیار بەندیکردنیان دا وەگورەی مادەی 406 لە یاسای سزادان عراقی، تا سزای دادپەروەری خوەیان بوەن.
