کوشیان پەنج کەس وە گورز فڕۆکەیگ بێفڕۆکەوان لە نەینەوا
2022-07-17T13:50:52+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا ک فڕۆکەیگ بێفڕۆکەوان پەلامار ماشینیگ دا، لەناو یەکیگ لە گەڕەکەیل پارێزگای نەینەوا.
سەرچەوەگە ئەرا ئاژانس شەفەق نیوز وت: ماشینیگ چوار پیاو وژنیگ لەناوی بوین، لە ئاوای دیجلەی گەڕەک تەنەک شار مووسڵ لە پارێزگای نەینەوا، کەفتە وەر گورز فڕۆکەیگ بێفڕۆکەوان.
سەرچەوەگە وتیش: گورزەگە ئەو ماشینە سزان، وگشت سەرنشینەیلی کوشت.
