کوشیان قاچاخچییگ چەک و زەخمداری کەسیگ وە بەڕەنگاربوینەوەیل لە دوو پارێزگای عراقی

شەفەق نیوز/ وەزارەت ناوخوەی، ئمڕوو چوارشەممە، خەوەردا لە کوشیان قاچاخچییگ چەک و زەخمداری کەسیگ و دەسگیرکردنی وە بەڕەنگاربوینەوەی وەگەرد پۆلیس فیدڕاڵی لە پارێزگای دیالە هاوسنوور ئیران.

وەزارەتەگە ئمڕوو لە بەیاننامەیگ وت، مەفرەزەی فوج دویەم لیوای سنوور هەشتەم سەر وە پۆلیس سنووری لە پارێزگای دیالە توەنستن قاچاخچیگ بکوشن و یەکیگتریش زەخمداربکەن و دەسگیریبکەن لەدویای رویوەرویبوین وەگەردی لە ئەنجام تەقەلایگی و قاچاخکردن (2)پارچە چەکە  و سندوقیگ کەرەستە.

وتیش، لە میسان مەفرەزەیل فەوج سێیەم لیوای سنوور دەیەم توەنستنە تەقەلایگ قاچاخکردن پویچەوبکەن لەدویای رویوەرویبوینەوە وەگەرد سێ قاچاخچی و زەخمداربوین یەکیگیان و دەسگیرکردنیان و دەسناین وبان 

(12) چەک کلاشینکۆف.

وەپای بەیاننامەگە، لەری لێکۆڵینەوەیل سەرەتایی دەرچگە گشت ئەو قاچاخچیەیلە خاوەن ناسنامەی بیانین، دیاریکرد یەکیگ لە ئەندامەیل هێزیل سنووری زەخمداربوینە.