کوشیان ١٥ عراقی لە باڵیگ سەروە ئیران

شەفەق نیوز/ رەوانگەی سوریا ئەرا ماف مرۆڤ، راگەیان ک ئامار گورزەگان وە فڕۆکەیل نەناسیریاگ، چەن شوونیگ لە ئاوای بوکەمال کردنە ئامانج، رەسیە دەور ١٥ کەس لە باڵەیل عراقی سەروە ئیران.

فڕۆکەیل جەنگی نەناسریاگ، دویەکە دووشەممە، گورزەیل خەسیگ وه‌شانن لەبان شوونەیلیگ ئەرا هێزەیل ئیرانی و میلیشیایل سەر وەئیران، لە کامپ ئیمام عەلی ونزیک سکە وبیاوان بوکەمال لە ئاوای دێرزور، ک بویە هووکار ویران کردن شوونەیل و خاڵەیلیگ و ئەمارەیل چەگ.

وەگورەی سەرچەوەیل رەوانگەی سوری، دویای گورزەگان، ماشینەیلیگ سەربازی سەروە ئەو هێزەیلە، کوشیاگ و زەخمدارەگان وەرەو ناو خاک عراق بردن، و هەمیش هێزە ئیرانیەگان كه‌فتنه‌ ئامادەباشی لە ناو بوکەمال.