کوشیان ٣ کەس وە رویداویگ هاتوچو نزیک حلە ئەفسەریگ پایەبەرز هاناویان
2023-01-24T11:53:37+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە کوشیان ٣ کەس وە رویداویگ هاتوچو لەبان ری ناودەوڵەتی زوینە، ناوبەین پارێزگاگە و بەغداد پایتەخت.
سەرچەوەگە ئەرا ئاژانس شەفەق نیوز وت: عەقید میساق باکیت لە وەزارەت ناوخۆ، کار لە فەرماندەیی پولیس پارێزگای زیقار کەێد، لەناو رویداوەگە کوشیا وەگەرد دوو کەس، لە ئەنجام پلیان ماشینیان لەبان ری ناودەوڵەتی ناوبەین زیقار و بەغدا نزیک شار حلە لە پارێزگای بابل.
سەرچەوەگە دیاری کرد ک گشت قوربانیەیل تواستنە بچنە زیارەت ئیمام حسێن لە کەربەلا، وتیش؛ تەرمەیلیان ئەرا پزشک دادوەری بریا.
