کوشیان ٤ کەس و دەسگیرکردن ١٣ توومەتبار لەبان جەنگ مناڵەیل ڵە بەغداد
شەفەق نیوز/ وەزارەت ناوخۆی عراق، ئمڕوو چوارشەممە، خەوەردا کە پولیس فیدڕاڵی ١٣ توومەتبار دەسگیر کرد دەسیان هاناو کوشیان و زەخمداری ٦ کەس لەناو وەردەوەردەیگ چەکدار خوەرهەڵات بەغداد.
وەزارەتەگە دیاری کرد کە دویای رەسین خەوەر لە وەردەوەردەیگ و تەقەکردن لە ناوچەی حسێنیەی بەغداد، وەکوتپڕ هیزیگ لە لیوای بیش فیرقڵی پەنجەم لە پولیس فیدڕاڵی رەسیە شوین رویداوەگە، کە کوشیان ٤ کەس و زەخمداری ٢ کەس لە ئەنجام تەقەکردن لەبان مرافەی مناڵەیل دەرکەفت.
وتیش: تیم کارکردن هاوبەش وەرد دەزگایل ئەمنی لە کەرت وەرپرسایەتی دروس کریا، و دویای مینەکردن و گردەوکردن زانیاری و وەشوینکەفتن کامیرایل چەودیاریکردن، ڕەشتە تاوانکارەیل و ١٣ توومەتبار دەسگیر کریان کە ٤ تفەنگ کلاشینکۆف و دەوانچەیگ وەپییان بویە.
وتیش: توومەتبارەیل وەگەرد چەکەیلیان دریانە دەس لایەنەیل پەیوەندیدار ئەرا تەواوکردن ریکارەیل یاسایی.
