کوشیان کەسیگ و خوەیکوشتن پولیسیگ لە بەغدا
شەفەق نیوز/ شاهیدەیل وە چەو دیەیلگ و سەرچەوەیگ ئەمنی، ئمڕوو دووشەممە، خەوەردان لە کوشیان کەسیگ و خوەیکوشتن پۆلیسیگ وە دوو رویداو جیاواز لە بەغدای پایتەخت.
وەچەودیەیلیگ وە ئاژانس شەفەق نیوز وتن: "کەسیگ وەبان ماتورسکێڵ وە چەکیگ لە جویر کلاشینکۆف تەقە لە پیاویگ کردیە ک کار لە ماشین شووردن کەێد لە ناوچەی بەلەدیات، لە خوەرهەڵات بەغدا، ک وەکوتپڕ گیان لە دەسدانی، چەکدارەگەیش وایە.
هەمیش لە بەغدا، کەسیگ لە داڵگبوی ساڵ 1989 تەقە لە خوەی کردیە وە دەوانچە ک تەقەلای خوەیکوشتن دایە لە ناوچەی ئوم عەزام لە قەزای تاجی، باکوور پایتەخت، بویە هووکار زەخمداری سەختیگی.
سەرچەوەیگ ئەمنی وە ئاژانس شەفەق نیوز وت" کەسەگە وەلایەن کەسوکاری ئەرا خەسخانە کلکریایە"، ئاشکەرایکرد" کەسیگ ک پیشەی ئەندامە لە وەزارەت ناوخوەیی فەوج فریاکەفتن بەغدا تا ئیسە هووکار خوەیکوشتنەگەی دیار نییە".
و دەنگ تەقینەوەیگ لە قەزای حوسەینیە لە باکوور بەغدا ژنەفیاس، سەرچەوەیگ ئەمنی ئاشکەرایکرد، " دەنگەگە نارنجەیگ دەنگی بویە وە لایەن کەسەیل نەناسریایگ لە نزیک بازار عەشر ئالاف وەشیایە وەبی تویشهاتن کەسیگ".
