کوشیان کەسیگ وە توڵەسەنین لە دیالە
2023-05-02T12:16:56+00:00
شەفەق نیوز/ سەرچەوەیگ ئەمنی لە دیالە، ئمڕوو سێشەممە، خەوەردا لە کوشیان کابرایگ مەدەنی لە ئەنجام توڵەسەنین هووزانەی کوینە، ئەوەیش لە دەورگرد ناحیەی قەرەتەپە.
سەرچەوەگە ئەرا ئاژانس شەفەق نیوز وت: پیاویگ لەناو تەمەن ٦٠ ساڵە، وە پەلاماریگ وەلایەن ٣ کەس وە کووڵ ماتۆرسکڵیگ لەبان ری جەبارە- کەلار لە ئاوای زەرداو کوشیا.
سەرچەوەگە وتیش: پەلامارەگە مەوقەی رویکردن قوربانیەگە وەرەو بووسانەگەی وە تراکتۆر جیوەجی کریا، وتیش: رویداوەگە لەبان توڵەسەنین هووزانەی کوینەیگ بویە.
وتیش: هیزەیل ئەمنی رەسینە شوین رویداوەگە و توەنستن یەکیگ لە بکوشەیل دەسگیر بکەن، و کەفتنە شوین ئەوەکان.
