کوشیان کەسیگ وە تەقەکردن لەناو بازاڕ مرێدی بەغداد...ڤیدیۆ
2024-02-25T08:13:42+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشیان کەسیگ وە تەقەکردن لەوەرچەو مەردم لەناو بازاڕ "مرێدی" لە خوەرهەڵات بەغدای پایتەخت.
سەرچەوەگە وە ئاژانس شەفەق نیوز وت، شەوەکی ئمڕوو شەڕە تەقەکریاس لەناوەین شمارەیگ کەس لەوەر چەو مەردم لە جادەی دراجات لە بازاڕ مرێدی لە ناوچەی سەدر خوەرهەڵات بەغدا، لە ئەنجام یەکیگیان کوشیا.
وتیش، ئەو کۆمەڵەگەی ترەک واینە لەدویای ئەوەگ ماشین و چەک مەدەنیەگە دزینە وەپای زانیاری سەرەتایەگان قوربانیەگە کەسوکار نزیک بکوشەگەس.
پارچە ڤیدیۆیگ دەس ئاژانس شەفەق نیوز کەفتیە کە رویداوەگە دەرخەێد:
