کوشیان کەسیگ لە مەرافەیگ لەناوەین سەرخوەشەیل لە بەعقوبە
2024-03-06T10:19:07+00:00
شەفەق نیوز/ ئمڕوو چوارشەممە، کەسیگ لەوەر مەرافیگ چەکداری ناوەین سەرخوەشەیل کوشیا لە شار بەعقوبە ناوەن پارێزگای دیالە.
شایەتحالیگ وە ئاژانس شەفەق نیوز خەوەردا، مەرافیگ خویناوی لەناوەین شمارەیگ کەس رویدایە لەناو دوکانیگ مەی فروشی لە ناوچەی کویچەی موعەلمین ناوڕاس شار بەعقوبە، لەئەنجام کەسی وە گولەی دەوانچەیگ لەقێ سەریەو کوشیا.
وتیش، هێزەیل ئەمنی لە شوین رویداوەگە ئامادەبوینە و توومەتبار دەسگیرکردنە و قوربانیەگەش ئەرا پزیشک دادوەری کلکردنە.
