کوشیان سەربازیگ و زەخمداری دووانتر وەپەلاماریگ تیرۆری لە باکوور بەغدا

شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە کوشیان سەربازیگ و زەخمداری دووانتر، لە ئەنجام پەلاماریگ چەکدار لەلایەن ئەندامەیل داعش تیرۆرست لە تارمیەی باکوور بەغدا.

 سەرچەوەگە ئەرا ئاژانس شەفەق نیوز وت: ئەندامەیلیگ لە ریخریاگ داعش تیرۆرست، شەوەکی ئمڕوو، پەلامار هیزیگ لە سوپای عراق لەناوچەی تارمیە باکوور بەغدا دان، ک بویە هووکار کوشیان سەربازیگ و زەخمداری دووانتر.

سەرچەوەگە دیاری کرد ک هیزەگە تەقە وەرەو سەرچەوەی گولەیل کرد، و ناچار کیشانەویان وەرەو شوین نادیاریگ کرد، وتیش: دیوەخانیگ لە شوین تەقەکردنەگە لە قەزای تارمیە پەیا کریا.