کوشیان دوو ئەندام لە رویوەڕویبوین وەرد ئەندامەیل داعش لە سامەرا
2024-04-30T14:44:52+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە کوشیان دوو ئەندام ئەمنی ە رویوەڕویبوین وەرد ئەندامەیل داعش لە شار سامەرا لە پارێزگای سەڵاحەدین.
سەرچەوەگە وە ئاژانس شەفەق نیوز وت "هێزەیل ئەمنی کوڵە ئەرا ئەندامەیل داعش دانانە لە ناحیەی موعتەسەم لە سامەرا"وتیش "هێزەیل کەفتنەسە رویوەروی بوینەوەی چەکداری وەرد ئەندامەیل مەفرەزەی داعش و توەنستنە دوو کەسیان دەسگیربکەن".
سەرچەوەگە وتیش "لە ئەنجام رویوەڕویبوین دوو ئەندام ئەمنی کوشیان" دووپاتکرد "ئۆپراسیۆنەگە تا ئیسە بەردەوامە ئەرا مینەکردن ئەو ئەندامەیل ترەک لە مەفرەزەی داعشی".
