کوشیان دوو گەنج و زەخمداری کەسەیلیگ وە دوو رویداو جیاجیا لە دوو پارێزگای عراق
شەفەق نیوز/ دوو سەرچەوەی ئەمنی، ئمڕوو شەممە، خەوەردان لە کوشیان دوو گەنج وە دوو رویداو جیاجیا لە پارێزگایل دیالە و سەڵاحەدین.
سەرچەوەیگ ئەمنی لە دیالە ئەرا ئاژانس شەفەق نیوز وت: گەنجیگ وە رویداویگ هاتوچو لە قەزای بەلەدروز گیانی لەدەسدا، هەنای ماشینیگ پاێسکڵەگەی تلان و وەکوتپڕ کوشتەی.
وتیش: قوربانیەگە تەمەنی ٢٠ ساڵە، و تەرمەگەی ئەرا پزشک دادوەری بریا، و دەسەڵاتەیل ئەمنی لێکۆڵینەوە لە رویداوەگە واز کردن.
لە سەڵاحەدین، وەگورەی سەرچەوەیگ ئەمنی، گەنجیگ کوشیا و دوواتر زەخمدار بوین، لەناو مرافەی ناوبەین ئاموزایل لە دەورگرد قەزای ئامرلی.
سەرچەوەگە ئەرا ئاژانس شەفەق نیوز وت: مرافەگە وە چەقوو کەفتە ناوبەین ئاموزایل لەناو ئاهەنگ سویر لە ئاوای (براوجلی) لە دەورگرد ئامرلی.
سەرچەوەگە دیاری کرد ک هیزیگ ئەمنی رەسیە شوین رویداوەگە و مرافەگە کپەو کرد، و چەن کەسەیگ دەسگیر کرد ک دەسیان لەناو مرافەگە بویە، و لێکوڵینەوە لە رویداوەگە واز کردن.
