کوشیان دوو مناڵ وە ئاگر ماڵیگ لە میسان
![کوشیان دوو مناڵ وە ئاگر ماڵیگ لە میسان](https://media.shafaq.com/media/arcella/1712644568401.jpg)
2024-04-09T06:36:25+00:00
شەفەق نیوز/ سەرچەوەیگ ئەمنی لە پارێزگای میسان، ئمڕوو سێشەممە، خەوەردا لە کوشیان دوو مناڵ وە رویداو ئاگر لەناو ماڵیگ ناوڕاس شار عمارە.
سەرچەوەگە ئەرا ئاژانس شەفەق نیوز وت: ئاگر لە ماڵیگ هیز گرد لە ناوچەی (حڵی عەسکەری) ناوڕاس شار عمارە، لە ئەنجام شۆرتیگ کارەبایی، و بویە هوکار کوشیان کوڕ و دویەتیگ تەمەن خوار سێ ساڵان.
سەرچەوەگە وتیش؛ تیمەیل وەرگری شارستانی توەنست ئاگرەگە کپەو بکەن و تەرم دوو مناڵەگە ئەرا پزشک دادوەری بوەن.