کوشیان دوو کەس و زەخمداری کەسیگ ترەک وە رویداوەیلیگ جیاجیا لە بەغداد
شەفەق نیوز/ سەرچەوەیگ ئەمنی لە بەغداد، ئمڕوو جمعە، خەوەردا لە کوشیان دوو کەس وە دوو رویداو جیاجیا، و زەخمداری کەسیگ ترەک وە گولە لە ناوچەیلیگ جیاجیا لە پایتەخت.
سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری سەرەکی لە قەزای ئەبو غرێب، خوەرئاوای بەغداد، بویە هوکار کوشیان کەسیگ لە ئەنجام تلیانی وە ماشینیگ مارکەی رانج رۆڤەر.
دیارە کرد کە خاوەن ماشینەگە هەر لەو شوینە ماشینەگەی هیشتە جی و وەرەو شوین نادیاریگ وایە، وتیش: هیزیگ ئەمنی تەرم قوربانیەگە ئەرا پزشک دادوەری کلکرد، و لێکۆڵینەوە لە رویداوەگە واز کرد.
وتیش: کابرایگ ماشین خوەی شووردیاد لەناو ویستگەی شووردن ماشین لە گەڕەک بساتین لە ناوچەی شەعب باکوور بەغداد، و وەگەرد وەکارهاوردن ماتۆر ئاو کارەبا گردەی.
وتیش: ئەو کابرا گیانی لەدەسدا، و هیزیگ ئەمنی رەسیە شوین رویداوەگە و خاوەن ویستگەگە دەسگیر کرد، و تەرم قوربانیەگە ئەرا پزشک دادوەری برد.
سەرچەوەگە وتیش: گەنجیگ لەداڵگبوی ساڵ 2001 تویش گولەیگ هات وەلایەن کابرایگ وە کووڵ ماتووڕسکڵیگ وەشانیە، لە ناوچەی ئوم کبر و غزلان خوەرهەڵات بەغداد، و زەخمدار بوی، دیاری کرد کە وەگورەی زانیارییەیل، ناکۆکی ناوەینیان بویە.
