کوشیان دوو کەس وە رویداو تەقەکردن و مەرافەیگ لە سلێمانی و بەغدا
سەرچەوەگە وەئاژانس شەفەق نیوز وت، چەکدارەیل نەناسریایگ هەڵکوتانەس بان یەکیگ لە شوقەیل نیشتەجیبوین لە ناوچەی "کەمپ سارە" تەقە لە خاوەن شوقەگە کردنە ک لەداڵگبوی 1974 و کاسبە، دەسوەجی گیان لەدەسدایە و ئەوانیش وەرەو شوین نادیاریگ واینە.
وتیش؛ هیزەیل ئەمنی رەسینە ئەرا شوین رویداوەگە کارتێژ چووڵ کلاشینکۆف و دەوانچە پەیاکردنە، ک وەپی تەقە لە قوربانیەگە کریایە.
لەلاییگتر، وەڕیەوبەرایەتی پۆلیس پارێزگای سلێمانی ئمڕوو یەکشەممە مردن هاوڵاتیگ لە سلێمانی راگەیان لەوەر مەرافەیگ لەناوەین ئەو کەسە و هاوڵاتییگ.
وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت، وە مدوو درووسبوین مەرافە لەناوبەین دوو هاوڵاتی لە ساعەت نۆی شەوەکی ئمڕوو لە گۆڕەپان فرووشتن ئاژەڵ لە سلێمانی وە چەقوو هاوڵاتیگ کوشیایە و تاوانبارەگەیش ئەرا شوین نادیاریگ وایە.
لە بەیاننامەگە وتیش، لەدویای رەسین پولیس ئەرا شوین رویداوەگە و زانیاری سەرەتایی وەرگردنە توەنستنە توومەتبارەگە دەسگیر بکەن ک تەقەلای واین وەرەو شار هەولێر دایە.
لە بەیاننامەگە هاتیە توومەتبارەگە ناوی(خ. ح. ح) وەپای یاداشت دادوەر لێکۆڵەر و مادەی 406 لە یاسای سزادان عراقی دەسگیرکریایە.
