کوشیان دوو کەس لە زیقار یەکیگیان لەوەر دروسبوین مەرافەیگ لەبان مناڵ بویە
2023-06-13T08:02:45+00:00
شەفەق نیوز/ سەرچەوەیگ ئەمنی لە پارێزگای زیقار باشوور عراق، ئمڕوو سێشەممە، خەوەردا لە کوشیان دوو کەس لەناوچەیل جیاواز لە پارێزگاگە.
سەرچەوەگە وە ئاژانس شەفەق نیوز وت " گەنجیگ 32 ساڵان کوشیاگە لەمەوقەی مەرافەیگ ک لەناوبەین دوو لایەن دروسبویە، لە قەزای شەترە باکوور پارێزگای زیقار"، وتیش" هووکارەگەی مەرافە ناوبەین مناڵ بویە ک رەسیە ناوبەین ئەو دوو کەسوکاریان".
سەرچەوەگە وتیش، " گەنجیگ 33 ساڵان وە رویداو تلانن گیان لەدەسدا لەبان ری گشتی ناوچەی ئوم عباس لە قەزای سوق شیوخ باشوور پارێزگای زیقار" وتیش" دەزگایەیل ئەمنی توومەتبارەگە دەسگیر کردنە تەرمەگەیش رەساننە ئەرا پزیشک دادوەری ئەرا تەواوکردن رێکاریل یاسایی".
