کوشیان دوو خانم زیارەتچی وە رویداویگ تلیان لە باشوور عراق
2022-09-13T09:18:43+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە مردن دوو خانم زیارەتچی وە رویداویگ تلیان لەبان ری حلە – دیوانیە.
سەرچەوەگە ئەرا ئاژانس شەفەق نیوز وت: دوو خانم لە زیارەتچیەیل چلەی ئیمام حسێن روی وەرەو کەربەلا کردنە، هەردوگیان خەڵک پارێزگای زیقار بوینە، کەفتنە وەر تلیان ماشینیگ لە ناوچەی هاشمیە لەبان ری ناوبەین حلە و دیوانیە، ک وەکوتپڕ هەردوگیان مردن.
