کوشیان دویەتیگ لە بارودۆخ نادیاریگ و مردن ژنیگ وە کارەباگردن و پویچەوکردن تەقەڵای خوەیکوشتن لە شارەیل عراق
سەرچەوەگە وە ئاژانس شەفەق نیوز خەوەردا، دەزگایەیل ئەمنی تەرم دویەتیگ پۆل شەش ناوەندی وە کوشیاگی لەناو ماڵ خوەیاا لە کویچەی موفرەق لە خوەرئاوای بەعقوبە پەیاکردن.
وتیش، وەپای لێکۆڵینەوە سەرەتاییەگان تاوان کوشتنەگە ئەنقەستە وەلایەن یەکیگ لەئەندامەیل خێزانەگەی بویە لەوەر گیچەڵ کۆمەڵایەتی تا ئیسە لێکۆڵینەوە وەردەوامە.
هەمیش، سەرچەوەیگ ئەمنی لە کەرکوک، خەوەردا لە مردن ژنیگ وە تەزیان کارەبایی لەدەوروگەرد شارەگە.
سەرچەوەگە وەئاژانس شەفەق نیوز وت، ژنەگە 45 ساڵ تەمەنیە وە شۆرت کارەبایی مردیە مەوقەی پاکەوکردن ناو ماڵ لە کوچەی"نەسڕ" لەدەوروگەرد شار کەرکوک.
دیاریکرد، تەرمەگەی ئەرا پزیشک دادوەری کلکریاس و لێکۆڵینەوە لە رویداوەگە وازکریاس.
پۆلیس دەریاوانی لە کەربەلا خەوەردا لە قورتارکردن ژیان گەنجیگ هەنای تەقەلای خوەیکوشتن لەبان پیەڵ هیندیەی کوەن.
پۆلیس لە بەیاننامەیگ وت: لەدویای ئەوەگ زانایاری رەسیە پیمان لە بازگەی ناوەندی کە گەنجیگ 21 ساڵان تەقەلای خوەیکوشتن لەبان پیەڵ هیندیەی کوەن دەێد، دەسوەجی مەفرەزەیل پۆلیس دەریاوانی رەسینەس شوین رویداوەگە.
وەپای بەیاننامەگە، وەرجە رەسین مەفرەزەگە گەنجەگە خوەی فرەدایەس و خیرا مەفرەزەگە رەسینەس شوین رویداوەگە لەناو چەم نەهریە دەریکردنە، دەرچە سەری زەمداربوی.
وەپای بەیاننامەگەئەرا چارەسەرکردن کلکریاس ئەرا خەسخانە، لەدویایش دریەدە دەس لایەنەیل تایبەت ئەرا تەواوکردن رێکارەیل یاسایی پێویست لە وەرانوەریان.
