کوشیان داڵگیگ و دوو مناڵی وە رمیان ماڵیگ لە کەرکوک لەوەر رفتی وارانەگە
2023-03-09T08:01:04+00:00
شەفەق نیوز/ سەرچەوەیگ لە پولیس ناوخوەیی، ئمڕوو پەنجشەممەر خەوەردا لە کوشیان ژنیگ وەگەرد دوو مناڵی وە رمیان ماڵیگ لە یەکیگ لە ئاوایەیل پارێزگای کەرکوک لەوەر رفتی وارانەگە وەرجە چەن ساعەتیگ.
سەرچەوەگە ئەرا ئاژانس شەفەق نیوز وت: قەواسەی ماڵ کوینەیگ، شەفەق ئمڕوو، لە ئاوای باجوان باکوور خوەرئاوای کەرکوک، رمیا بان ژنیگ و دوو مناڵی، یەکیگیان لە تەمەن ٤ ساڵان و ئەوەکە دوو ساڵان، ک گشتیان بوینە قوربانی.
سەرچەوەگە وتیش: خاوەن ماڵەگە وەرجە رویداوەگە لەماڵ دەرچگە ئەرا کار.
