کوشیان خیزانیگ پەنج کەسی وە رووداو دڵتەزنیگ لە سەڵاحەدین
2021-08-07T11:47:04+00:00
شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو شەممە، خەوەردا لە کوشیان خیزانیگ ٥ کەسی وە رووداو هاتوچوو دڵتەزنیگ لەبان ری بێجی - تکریت.
سەرچەوەگە ئەرا ئاژانس شەفەق نیوز وت: رووداو لەیەکداین دوو ماشین لەبان ری تکریت- بێجی بویە هووکار کوشیان ٥ کەس لە یەک خیزان ژن و مناڵیگ لەناویان بوی.
سەرچەوەگە وتیش؛ فریاکەفتن تەرمەیلە وەرەو پزشک دادوەری برد، و دەسەڵاتەیل هاتوچوو لێکۆڵینەوەیگ ئەرا ئاشکراکردن هووکارەیل رووداوەگە واز کردن.
