کوشیان بازرگانیگ مادەی هووشبەر لەدویای تەقەکردن وەگەردی لە باشوور عراق
2024-02-20T10:50:04+00:00
شەفەق نیوز/ وەڕێوەبەر گشتی بەڕەنگاربوین مادەی هووشبەر و کاریگەری دەروینیەگان لیوا ئەحمەد زرکانی لە بەیاننامەی کوڵیگ، ئمڕوو سێشەممە، راگەیان هێزەیل توەنستنە یەکیگ لە بازرگانەیل مادەیل هووشبەر بکوشن لەدویای تەقەکردن وەگەردی لە پارێزگای زیقار باشوور عراق.
وەرجە ئیە، وەڕێوەبەرایەتی گشتی دژە مادەیل هووشبەر و کاریگەری دەروینیەگان وەزارەت ناوخوەی عراق، ئمڕوو خەوەردا لە دەسناین وەبان زیاتر لە25کگم لە مادەی هووشبەر لە پارێزگایەیل میسان و ئەنبار.
دویەشەو دووشەممە، وەزارەت ناوخوەی پویچەوکردن باندیگ بازرگانیکردن وەمادەی هووشبەر راگەیان کە لە هەشت کەس پێکهاتبوین و ژنیگیش لەناویان بویە و دەسنریایە وەبان 15کگم کریستال کە وەپیان بویە، لە بەغدای پایتەخت.
