کوشیان پیاویگ و مردن گەنجیگ و زەخمداری سێ حاجی لە عراق
شەفەق نیوز/ سەرچەوەیگ ئەمنی ناوەخۆیی، ئمڕوو چوارشەممە، خەوەردا لە کوشیان پیاویگ و مردن گەنجیگ و زەخمداری سێ حاجی وە رۊداوەیل جیاواز لە ناوچەیل جیاجیایل عراق.
یەکیگ لە سەرچەوەیل وە ئاژانس شەفەق نیوز خەوەردا، " پیاویگ تەمەن پەنجا ساڵ وە پەلاماریگ چەکداری لە دەروازەی قەزای سوق شیوخ لە باشوور پارێزگای زیقار کوشیا"، وتیش " تاوانبارەگە دەوانچەی بی دەنگ وەکارهاوردیە ئەرا ئەنجامدان تاوانەگەی."
سەرچەوەیگتر ئەرا ئاژانسەگە باسکرد، ک" گەنجیگ مردیە وە کاریگەری خۊینبەربۊن لە سەری لەئەنجام رۊیوەرۊبۊنی وە رۊداو هاتوچو لە ری موسڵ-قەیارە لە باشوور پارێزگای نەێنەوا"، وتیش؛ گەنجەگە ئەرا خەسخانە کلکریایە لەدۊای چەن ساعاتیگ مردیە وە مدووی خۊنبەربۊن ناوەخوەیی ک لەناو لەسەری بۊە.
سەرچەوەی سێیەم وە ئاژانس شەفەق نیوز وت، ک" سێ عومرەکەر تۊش زەخمداری جیاواز هاتنە لەئەنجام لەیەکدان پاسەگەیان و پلیانی لە رێ بەغدا-کەرکوک نزیک ناحیەی شەت نوو"، دیاریکرد " زەخمدارەیلە ئەرا خەسخانە کلکریانە، لەورا دەسڵاتدارەیل هاتوچو رێکاریل پێویست گردنەوەر."
