کوشیان 4 داعشی وە دەس سوپای عراقی لە مەخموور...وینە
2023-12-02T11:48:27+00:00
شەفەق نیوز/ فەرماندەیی ئۆپراسیۆنەیل نەینەوا، ئمڕوو شەممە، راگەیان کۆتایی هات وە رویوەروی بوینەیل چەکداری ناوەین سوپای عراقی و ئەندامەیل رێکخریاگ داعش لە قەزای مەخموور باشوور خوەرهەڵات مووسڵ.
سەرچەوەیگ لە فەرماندەیی، وە ئاژانس شەفەق نیوز خەوەردا، "لەئەنجام جەنگەیلیان وەگەرد رێکخریاگ داعش لە مەخموور چوار لە ئەندامەیل رێکخریاگە کوشیانە".
لەلایگیش سەرچەوەیگ وە ئاژانسەگە خەوەردا، " جەنگەگە بوویە هووکار زەخمداری 4 کەس لە ئەندامەیل سووپاگە لەناویانیش ئەفسەریگ وە پلەی ملازم یەک هەس لە حالەتەگەی مەترسیدارە"، دووپاتکرد " ئۆپراسیۆن مینەکردن و وشکنین وەردەوامە لەناوچەی رویوەروی بوینەیل ئەرا تیرۆرستەیل".
هەمیش، فەرماندەی ئۆپراسیۆنە هاوبەشەیل دووپاتکرد، لە کوشیان چوار تیرۆرست وە کوڵەی قایمیگ، وە ئۆپراسیۆنیگ هویرد، لەدویای ئەوەگ ئەندامەیل وە کامیرای گەرمی لە مەخموور توومارکردنە لە ناوچەی فەرماندەیی ئۆپراسیۆنەیل نەینەوا، وە دیارکریاگی لە ئاوای (عەلی رەشت).
