وزاره‌ت دارايی ئاشكراكردن تازه‌يگ دا له‌باره‌ی ميوانداری زێباری
له به‌ياننامه‌ی وزاره‌ته‌گه ئه‌را(شه‌فه‌ق نيوز)ئه‌وه ده‌ركه‌فت ك جبوری له‌وه‌خت ميوانداريكردن زێباری زانياريه‌يل هه‌ڵه‌و شيواننكارانه‌يگ داگه‌و هه‌ر وه‌و خاتريشه وزاره‌ته‌گه جه‌خت له‌وه ئه‌كا هويچ پويليگ نه‌ياگه ئه‌را ته‌ياره‌ی وه‌كراگيرياگ و ئه‌و داوه‌تكردن زێبارييشه ئه‌را به‌شداريكردن له كۆنگره‌ی گفتگوو مه‌نامه له به‌حره‌ين له‌ساڵ ٢٠١٤ داوه‌تيگ فه‌رمی بويه وه ئه‌وه‌گ وه‌زير دارايی بويه.
به‌ياننامه‌گه باس له‌وه‌يش كرد ك هويچ بڕه پويليگيش ئه‌را وه‌كرايه‌كردن شوون نيشته‌جی ئه‌را كه‌سه‌يليگ له نويسينگه‌ی وه‌زير يا كه‌سه‌يليگ سه‌ر وه وزاره‌ته‌گه‌يش نه‌درياگه‌و كرايه‌كردن ماڵ له چوارچيوه‌ی ريككه‌فتنه‌يل فه‌رمی ئه‌نجام گرتگه‌و وزاره‌ت داراييش هويچ كه‌سيگ له پاسه‌وانه‌يليشی دانه‌مه‌زرانگه‌و ته‌نيا هه‌ر پاسه‌وان باره‌گای وزاره‌ته‌گه‌ن وه‌شيوه‌ی گريه‌به‌س وه گووره‌ی رينمايه‌يل ياسای بودجه وه‌بی ته‌رخانكردن پويل زيايه.
