گورزیگ ئاسمانی ئەمریکی فەڕەنسی دەێدە حەشارگەی داعش لە دەورگرد هەرێم کوردستان
2021-09-18T10:26:16+00:00
شەفەق نيوز/ فڕۆکەیل هاوپەیمان ناودەوڵەتی، شەو جمعە، بمباران حەشارەگەیل ریخریاگ داعش لەنزیک قەزای کفری سەروە ئیدارەی ناوچەی گەرمیان لە هەرێم کوردستان کردن.
سەرچەوەیگ ئەمنی، ئەرا ئاژانس شەفەق نیوز وت: فڕۆکەیل هاوپەیمان ناودەوڵەتی، لە ساعەت ١٠ لە شەو جمعە، سێ گورز ئاسمانی لەبان حەشارگەیل تیرۆریستەیل لە زنجیرەی کۊیەیل کوە لە نزیک ناحیەی نوجول لە قەزای کفری جیوەجی کردن.
سەرچەوەگە وتیش؛ فڕۆکەیل فەڕەنسا بمباران شۆنیگ لە نزیک ئاوای قەڵان کردن ک تیرۆریستەیلە خوەیان لەناوی شارنەو.
