گورزیگ ئاسمانی دەێدە ماشین باڵیگ چەکدار عراقی
2021-05-22T13:50:31+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا ک گورزیگ ئاسمانی دادە ماشینیگ سەروە باڵیگ چەکدار لە نزیک سنوور عراق و سوریا.
سەرچەوەگە ئەرا ئاژانس شەفەق نیوز وت: فڕۆکەیگ جەنگی نەناسریاگ، نیمەڕو ئمڕوو، گورزیگ داگە ماشینیگ سەربازی مارکەی تویوتا، ک وەپی ئویشن (حووسی) لەبان پارچە سنووریەگەی ناوبەین عراق و سوریا، و دیاری کرد ک ماشینەگە هن باڵیگ چەکدار عراقی بوی.
سەرچەوەگە دیاری کرد ک تا ئیسە هیچ زانیارییگ نیە ئایا زەخمدار قوربانی بویە یا نە.
