ئەور و بەرزەوبوین پلەی گەرمی.. کەشوهەوای چوار رووژ لە عراق
2022-12-29T09:34:50+00:00
شەفەق نیوز/ دەسەی کەشناسی عراق، ئمڕوو پەنجشەممە، بەیاننامەی کەشوھەوای وڵاتەگە ئەرا چوار رووژ ئایندە بڵاو کرد، و مەزەنەی بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو جمعە پاک و رووشنە، و شەوەکیان تەم دروس بوود کەمکەم پاکەو بوود، و پلەی گەرمی لە بەشەیل ناوڕاس و باشوور جویر رووژیگ وەرجە خوەیە، و لە بەش باکووری کەمیگ بەرزترەو بوود.
وتیش: کەشوهەوای رووژ شەممە، نیمچە ئەورە و بوودە ئەور تەواو، و پلەی گەرمی لە گشت وڵاتەگە جویر رووژیگ وەرجە خوەی مینێد.
وتیش: کەشوهەوای رووژ یەکشەممە نیمچە ئەورە و جاروباریش ئەور تەواوە، و شەوەکیان تەم دروس بوود کەمکەم پاکەو بوود، و پلەی گەرمی لە گشت وڵاتەگە جویر رووژیگ وەرجە خوەیە.
دەسەگە وتیش: کەشوهەوای رووژ دووشەممە نیمچە ئەورە تا ئەو تەواوە، و پلەی گەرمی لە گشت وڵاتەگە جویر رووژیگ وەرجە خوەیە.
