ئەور لەبان ئیران پەڵە دەێد و وەرەو باشوور چوود.. واران لە عراق و ئەنجام رخبەریگ لە خەلیج
![ئەور لەبان ئیران پەڵە دەێد و وەرەو باشوور چوود.. واران لە عراق و ئەنجام رخبەریگ لە خەلیج](https://media.shafaq.com/media/arcella/1713159977268.jpg)
لەباوەت عراق، مەزەنەیل نشان کەن کە ١١ پارێزگا کەفنە وەر واران، باوجی ئی مەزەنەیلە جیگیر نیین، لەوەر ئاڵشتبوین واگە، کە لەلای خوەرهەڵاتەو وە بەرژەوەنی عراق نییە کە لە رووژەیل دووشەممە و سێشەممەی کەفێدە ژیر واران.
مەزەنە هەس واران بڕەسێدە ئەنبار و نەینەوا و سەڵاحەدین و بەغداد پایتەخت و دیالە و کەربەلا و بابل و بەسرە و بیاوان سماوە و بیاوان نەجەف و هەولێر، و شایەت وەشیوەیگ ئاڵشت بوود.
کاریگەری ئی کەشوهەوا وەگورەی جویلەی ئیسەی، لافاوەیل تونبگ داد لە سەڵتەنەتی عومان و قوربانی لەلی کەفتەو، کە یە سەرەتای شەپوولیگ بویچگە لە ئەورە پەڵەدارەگەی داڵگی جیاوە بویە کە ئیرنگە هابان ئیران، و روی وەرە باشوور کەێد، و رووژ دووشەممە و سێشەممە سەختەو بوود، و دەوڵەتەیل خەلیج بایەسە هووشدار بوون.