واست و میسان.. خوەیکوشتن گەنجیگ و کوشیان ئەندامیگ وەرین لە لایەنیگ چەکدار
2023-02-15T11:55:09+00:00
شەفەق نیوز/ دوو سەرچەوەی ئەمنی لە واست و میسان، ئمڕوو چوارشەممە، خەوەردان لە خوەیکوشتن گەنجیگ و پەیاکردن تەرم ئەندامیگ وەرین لە بزووتنەوەیگ چەکدار لە دوو رویداو جیاجیا لە دوو پارێزگاگە.
سەرچەوەیگ ئەمنی لە واست ئەرا ئاژانس شەفەق نیوز وت: گەنجیگ لە تەمەن ١٨ ساڵان لەناو ماڵەگەی لە قەزای نوعمانیە خوەی دادە سێدارە.
سەرچەوەگە وتیش: هیمان هوکارەیل رویداوەگە نادیارە، و تەرمەگە ئەرا پزشک دادوەری بریا، و لێکۆڵینەوە لە رویداوەگە واز کریا.
لە میسان باشوور عراق، سەرچەوەیگ ئەمنی ئەرا ئاژانس شەفەق نیوز وت: هیزیگ ئەمنی تەرم کابرایگ پەیا کرد لە ناو تەمەن سی ساڵان لە ناوچەی تیب نزیک کارخانەیگ باشوور ناوەند پارێزگاگە.
سەرچەوەگە دیاری کرد ک قوربانیەگە وەرجە دوو رووژ رفیاگە، ئیجا تەرمەگەی وە کوشیاگ پەیا کریا، وتیش: لەناو بزووتنەوەی چەکدار ئەنسارولڵاهی لئەوفیا کار کردیە، ک بارەگای ها میسان.
