واست.. مەرافایگ لەبان وایر کارەبای مۆلیدە وە کوشیان گەنجیگ کۆتایی هات

شەفەق نیوز/ رویداویگ کوشتن وەئەنقەست کۆتایی وە ژیان گەنجیگ هاورد کە تازە ژن خوازیە لە شار کوت ناوەن پارێزگای واست، لەدویای ئەوەگ وەگەرد رانندەی بارهەڵگریگ وردەوردە کەێد کۆتایی وە ژیانی تێد وە رویداو تلانن.

سەرچەوەگە وە ئاژانس شەفەق نیوز وت "رویداوەگە لە شار کوت رویدایە هنای بارهەڵگریگ کەرەستەی بیناکردن هەڵگردیە وە ناو یەکیگ لە کویچە تەنگەیل شارەگە رەدبوود لەناوکاو وایر کارەبایگ بڕێد کە لەبان بارهەڵگرەگە گیرکردوی".

وتیش؛ "مەرافەی سووکیگ لەناوەین گەنجیگ وەناو فراس خزەیر ئەلعایدی و رانندەی بارهەڵگرەگە کە وایرەگە بڕیە روی دەێد، و دەسوەجی کوشدێ".

سەرچەوەگە دووپاتکرد "رانندەی بارهەڵگرەگە دەسگیرکریا و گشت رێکارەیل یاسایی وەرانوەری گیریاس تا سزای دادپەروەرانەی خوەی وەربگرێد".