واست.. دەسگیرکردن 4 کەس بازرگانی وە کەرەستەیل ئاسەواری کردنە لەڕی تووڕ کۆمەڵایەتی
2024-04-17T11:27:50+00:00
شەفەق نیوز/ دەزگا ئەمنیەیل، ئمڕوو چوارشەممە، 4 کەس دەسگیرکرد کە بازرگانی وە ئاسەوار کردنە لەری تووڕەیل کۆمەڵایەتی لە دویای ئەوەگ لە بەغدادەو ئەرا واست کیشنەیان.
سەرچەوەگە وە ئاژانس شەفەق نیوز وت، "زانیاری رەسەیە دزگا ئەمنیەیل کەسەیلیگ بازرگانی وە ئاسەوار کەن لەری تووڕ کۆمەڵایەتی لەدویای پەیوەنیکردن وەپیان لە پارێزگای بەغدا ئەرا پارێزگای واست کیشیان، رەزامەنی دادوەر لێکۆڵەر وەرگیریا" وتیش "تیمیگ دروسکریا وکوڵەی تونیگ دانریا و دەسگیرکریان، و شمارەیان چوار کەس بوی".
دیاریکرد"دەسنریا وەبان پارچەیل ئاسەوار کە وەپیان بوی کە بریتی بوین لە ( 31 کوت پویل کانزایی و سەنگەیلیگ وە شیوە و قەبارەی جیاواز ـ مۆر ـ کە شیوەی ئایەم و ئاژەڵ وەبانی نەخشیابوی شمارەی 19 گلە، پەیکەریگ سەنگی لە شیوی ئاژەڵ 1 گلە) لەدویای لێکۆڵینەوەوەرد توومەتبارەیل و وتە لەلیان وەرگیریاس ودان دانانەس وە ئەوەگ بازرگانی وە ئاسەوار کەن".
