واران و گەرمیان رەسنە هانای باخەیل دیالە
2024-01-06T11:37:49+00:00
شەفەق نیوز/ یەکێتی کۆمەڵەیل جفتیاری لە دیالە، ئمڕوو شەممە، دووپات کرد کە واران و بەنداو دەربەندیخان زیاتر لە ٥٠٠٠ دۆنەم لە باخەیل پارێزگاگە لە فەوتیان و ویرانی لەوەر کەم ئاوی رزگار کردن،
رەعد حاتم مغامس وەڕیەوبەر یەکێتیەگە ئەرا ئاژانس شەفەق نیوز
دووپات کرد کە وارانە رفتەیل لە سەرەتای وەرزەگە و پلان پڕکردن دەریاچەی حەمرین لە بەنداو دەربەندیخانەو لە یەکەی گەرمیان کوردستانی، دەسمیەتی دان لە زنیکردن و مقیەتیکردن زیاتر لە ٥٠٠٠ دۆنەم لە باخەیل، لە ناوچەیل بوهرز و عەبارە و موقدادیە لە دیالە، دویای ئەوەگ لەژیر هەڕەشەی فەوتیان بوین.
مغامس باس رەوش ئاو ئیرنگەی دیالە وەخاس کرد و خاسترە لە سێ وەرز گوزەشتە، و سەرچەوەیل ئاو لە پارێزگاگە کردە دوو بەش، یەکەم پشت وە چەم دیجلە بەسێد، و دویەم وەبان دەریاچەی حەمرین.
مغامس داوای وەرگردن بەر گەنم کرد لە کشاوەرزەیل دەیشت پلان زمسانی، کە خوەیان خستنە مەترسی هەناێ پشت وە واران و کشاوەرزی دەێمی ئەرا نان رووژانەیان بەسان.
