واران و تەم.. کەشوهەوای عراق تا کوتایی ئی هەفتە
دەسەگە لە بەیاننامەیگ رەسیە ئاژانس شەفەق نیوز وت: سوو دووشەممە، لە ناوچەی ناوڕاس ئەورە وەگەرد واران سووکیگ تا ناوڕاسیگ جاروبار تریشقە وەگەردی بوود، و شەوەکی تەم دروس بوود کەمکەم پاکەو بوود، و پلەی گەرمی جویر رووژیگ وەرجە خوەیە، و لە ناوچەی باکوور ئەورە وەگەرد نمە وارانیگ تا ناوڕاسیگ جاروبار تریشقە وەگەردی بوود، و لە بەشەیل خوەرئاوای وەفر وارێد، و پلەی گەرمی کەمیگ لە رووژیگ وەرجە خوەیە کەمتر بوود، و لەناوچەی باشوور ئەورە وەگەرد واران ناوڕاسیگ تا رفتیگ و ئەور و تریشقە جاروبار، و پلەی گەرمی کەمیگ لە رووژیگ وەرجە خوەیە داوەزێد.
بەیاننامەگە وتیش: رووژ سێشەممە، لە ناوچەی ناوڕاس نیمچە ئەورە تا ئەو تەواوە وەگەرد دەرفەت نمە وارانیگ لە بەشەیل خوەرهەڵاتی، و پلەی گەرمی نزیک رووژ وەرجەخوەیە، و لە ناوچەی باکوور نیمچە ئەورە، و پلەی گەرمی کەمیگ لە رووژیگ وەرجە خوەیە بەرزەو بوود، و لە ناوچەی باشوور ئەورە وەگەرد نمە وارانیگ تا ناوڕاسیگ وەگەرد ئەور و تریشقە جاروبار کەمکەم خاسەو بوود، و پلەی گەرمی کەمیگ لە رووژیگ وەرجە خوەی داوەزێد.
وتیش: رووژ چوارشەممە، کەشوهەوا رووشنە وەگەرد کەمیگ ئەور، و لە شەوەکیان لە گشت وڵاتەگە تەم دروس بوود کەمکەم پاکەو بوود، و پلەی گەرمی نزیک رووژ وەرجەخوەیە لە بەشەیل ناوڕاس و باکوور، و لە بەش باشوور وڵاتەکە کەمیگ لە رووژیگ وەرجە خوەیە بەرزەو بوود.
وتیش: کەشوهەوای وڵاتەگە لە رووژ پەنجشەممەی ئایندە رووشنە وەگەرد لەکە ئەور، و شەوەکیان تەم دروس بوود کەمکەم پاکەو بوود، و پلەی گەرمی لە گشت وڵاتەگە کەمیگ لە رووژیگ وەرجە خوەیە بەرزەو بوود.
