دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو شەممە، لە ناوچەی ناوڕاس و باشوور رووشنە تا نیمچە ئەورە، و لە ناوچەی باکوور ئەور و وران و گرمەهڕە، و پلەی گەرمی چەن پلەیگ بەرزەو بوود.

وتیش: رووژ یەکشەممە، لە بەشەیل خوەرئاوای ناوچەی ناوڕاس و باشوور نیمچە ئەورە وەگەرد پرزە واران، تا فرەی ناوچەیل وڵات گرێدەو، و وەشەو زیایەو بوود، و پلەی گەرمی چەن پلەیگ نزمەو بوود.

دەسەگە وتیش: رووژ دووشەممەی ئایندە لە بەشەیل خوەرهەڵات وڵات نیمچە ئەورە تا ئەور تەواوە، وەگەرد وارانیگ هاتێ رفتەو بوود ولافاو بارێد، تا دویای نیمەڕوو کەمکەم خاسەو بوود، و پلەی گەرمی لە گشت وڵاتەگە نزیک رووژ وەرجە خوەیە.

 دەسەگە دیاری کرد کە کەشوھەوای وڵاتەگە ئەرا رووژ سێشەممەی ئایندە، لە ناوچەی ناوڕاس و باشوور رووشنە تا نیمچە ئەورە و لە ناوچەی باکوور ئەور و ورانە، و پلەی گەرمی لە گشت وڵاتەگە چەن پلەیگ بەرزەو بوود.