واران رفتیگ روی لەناوچەیل عراق کەێد و داوای پەکخستن دەوام فەرمی
جابر زیادی وە ئاژانس شەفەق نیوز وت، وڵاتەگە لە شەوەکی سوو شەممە کەفێدە وەر کاریگەری واران وارین مامناوەند چالاکیگ ک لە خوەرهەڵات دەریای ناوڕاس هاتیە، ک بوودە هووکار واران وارین مامناوەندیگ تا رفتیگ وە تایبەت لە بڕیگ لە ناوچەیل موسڵ و باشوور هەولێر و کەرکوک و سلێمانی.
وتیش، ئەو شارەیلتر ناوڕاس دەرفەت واران وارین مامناوەندیگ تا سووکیگ دیرن لە ئەنبار و بەغدا و دیالە، کاریگەری وارانوارینەگە کەمترە لەبان ناوچەیل فورات ناوڕاس و دەرفەت پرزە واران دیرێد.
زیادی باس کرد، لە نیمەڕوو رووژ دووشەممە چالاکی وارینەگە بەرزەوبوود بوودە هووکار واران وارین مامناوەند تا رفتیگ لە بڕیگ ناوچە وە تایبەت لە شارەیل باشوور و فورات ناوڕاس، لە وەختیگ هویچ دەرفەتیگ نییە لە باکوور ناوچەی ناوڕاس و بەشەیل باکوور و داواکریەێد دەوام فەرمی لە شارەیل باشوور پەک بخریەێد، و پلەی گەرما لە دوو رووژ ئایندە کەمیگ بەرزەو بوود.
