واران تاوسانی لە عراق... سوو وسێدەو لە کۆتایی هەفتە دەسکەێد وە وارین

شەفەق نیوز/ عەلی جابر زیادی کەشناس، ئمڕوو دوشەممە، پیشبینی کۆتایی هاتن شەپۆل واران وارین لە عراق کەێد. 

زیادی ئەرا ئاژانس شەفەق نیوز باسکرد، " فرەیگ لە ناوچەی عراق ئمڕوو کەفنە ژیر کاریگەری نمە واران  تا تونیگ، فرەجار لە بڕیگ ناوچە گرمەهڕ ها وەگەردی، لە ناوچەیلتر بڕیگجار وەشیوەی کەم بوود، پیشبینی کەێد" کاریگەریەیلی وەردەوامە لەبان ناوچەیل باشوور و فورات ناوڕاس وەگەرد بەرزەوبۊن کەمیگ لە پلەی گەرمی". 

زیادی وتیش، " شەپۆل وارانەگە لە سوو سێشەممە وسێد، لە چوارشەممە و پەنجشەممەی ئایندە گلەوخوەێد". 

ناوچەیلیگ جیاجیا لە وڵاتەگە لەناویان بەغدای پایتەخت دۊشەو یەکشەممە واران وارین خەسیگ وە خوەیان دین ک دیاردەیگ نائاساییە وەگەرد سەرەتای وەرز تاوسان".