چوار پارێزگای عراق دەوام سوو پەنجشەممە کەنە پشوو
2023-02-15T09:39:50+00:00
شەفەق نیوز/ حکوت ناوخوەیی لە چوار پارێزگای عراق ک بەغدای پایتەختیش ها مابەینیان، دەوام فەرمی سوو پەنجشەممە پەکخەن وە بونەی یاد کووچ دویایی ئیمام موسا کور جەعفەر لە شار کازمیە.
پارێزگار بەغدا دەوام فەرمی لە گشت دیوان پارێزگاگە و فەرمانگەیلی پەکخەست ئەرا رووژ سوو پەنجشەممە، هەمیش هەردگ پارێزگای دیوانیە و موسەنا بڕیاردان دەوام فەرمی سوو بکەنە پشوو.
و پارێزگار کەرکوک ری دا وە ئەو فەرمانبەرەیلە ئەزرەت کەن ئەرا زیارەت ئیمام کازم بچن مۆڵەت فەرمی سوو پەنجشەممە وەپیان بیریەێد.
هەمیش واستیش رووژ سێشەممە راگەیان رووژ پەنجشەممە لە پارێزگاگەیان کریەێدە پشوو.
