وەگورەی رێککەفتنەگە.. هێزەیلیگ لە پۆلیس فیدڕاڵی لە شەنگال بەڵاو بوون
2020-11-20T14:03:19+00:00
شەفەق نیوز/ وەرپرسیگ خۆجێیی لە قەزای شەنگال، ئمڕوو جمعە، راگەیان رەسین کەرتەیلیگ لە پۆلیس فیدڕاڵی ئەرا ناو سنوور شەنگال.
خودیدا چوقی وەڕێۆبەر ناحیەی سنونی ئەرا ئاژانس شەفەق نیوز وت: فەوجیگ سەروە لیوای ٧٢ لە پۆلیس فیدڕاڵی لە کەرت ئوم زیبان لە ناحیەگە جیگر بوی.
وتیش؛ هێزەیلیگ تر لە پۆلیس فیدڕاڵی رەسینە سنوور ناحیەگە ئەرا بڵاوبوین لە پارچە سنووریە وەگەرد سوریا.
و ئاماژە کرد ک رێککەفتنەگە لەناوبەین حکومەت فیدڕاڵی و هەرێم کوردستان باس لە گونجانن رەوشەگان لەلایەن ئەمنی و خزمەتگوزاری لە قەزاگە کەێد لە زەمینەسازییگ ئەرا هاتنەوی ئاوارەگان ئەرا ناوچەیلیان و هاتنەوەی ئاسایش و ئارامی ئەرا گشت شەنگال
